Van Persie hafnaði öðrum félögum

Robin Van Persie, framherji Arsenal, neitaði tilboðum frá öðrum liðum síðasta sumar og hélt tryggð við Arsenal.

Van Persie sagði í viðtali við News of the world að hann hafi neitað Chelsea, Manchester City, Inter og Juventus.

„Það er gott að fjögur lið höfðu áhuga á mér en ég þurfti að hafna þeim. Það er ekki eins auðvelt að yfirgefa Arsenal eins og margir halda," útskýrir Van Persie.

„Þó að þú viljir fara sem leikmaður þá held ég að það sé mjög erfitt. Því að þegar þú gengur til liðs við Arsenal þá ertu leiddur þangað af hjartanu."

Hann talar einnig um að það sé erfitt að sitja utan vallar í enn eitt skiptið vegna meiðsla.

„Þegar að þú sérð góða leikmenn þá eru þeir alltaf í toppformi. Þetta byrjar allt á góðu líkamlegu ástandi og sumir leikmenn eru heppnir með það. Ég þoli það ekki, en ég get því miður ekkert gert í því hver staðan mín er í dag," sagði Van Persie.