Beckham: Rooney er jafngóður og Ronaldinho

David Beckham, leikmaður AC Milan, segir að Wayne Rooney, framherji Manchester United, sé jafn góður og liðsfélagi Beckham hjá Milan, Ronaldinho, sem hefur tvisvar hlotið viðurkenninguna besti knattspyrnumaður heims, árin 2004 og 2005.

David Beckham og Wayne Rooney mætast í 16-liða úrslitum meistaradeildarinnar þegar Man Utd og AC Milan etja kappi.

„Ég hef alltaf sagt að Wayne Rooney sé einn af bestu markaskorurum í knattspyrnuheiminum. Hann er að spila hjá frábæru félagi og er að gera það sem hann er bestur í, að skora mörk,“ sagði Beckham um landsliðsfélaga sinn.

Wayne Rooney er búinn að vera frábær í vetur og er kominn með tuttugu og þrjú mörk þrjátíu og tveimur leikjum. David Beckham hefur trú á því að hann muni reynast AC Milan erfiður þegar liðin mætast á San Siro.

„Þetta er einn af stærstu leikjunum fyrir mig persónulega. En það sem mikilvægast er að liðið sigri Manchester United sem ég vona að við gerum. United er sjóheitt og eru að spila vel. Wayne Rooney er að skora mikið svo að þetta verða hörkuleikir,“ sagði Beckham.