Serbneski landsliðsmaðurinn og varnarmaður Manchester United, Nemanja Vidic, hefur verið orðaður við mörg lið í vetur. Þar á meðal Real Madrid og AC Milan.
Nýjustu fregnir eru þær að erkifjendurnir í City ætli sér að krækja í harðjaxlinn líkt og þeir náðu að plokka Tevez til liðsins síðasta sumar.
Nemanja Vidic er samningsbundinn Manchester Utd til ársins 2012. Roberto Mancini, þjálfari Man City, hefur þegar til staðar í hjarta varnarinnar þá Kolo Toure og Joleon Lescott.
Þeir hafa þó ekki staðið fyllilega undir væntingum og því er sagt að þeir vilji fá að Vidic til liðs við sig.
Hinir kaupóðu eigendur City reyndu að kaupa fyrrverandi landsliðsfyrirliða Englendinga, John Terry, síðasta sumar með litlum árangri.
The Sunday Times halda fram að Vidic sé maðurinn sem þeir ætli sér að reyna við í þetta skiptið.
