Petraeus tekur við í Afganistan

Barack Obama, Bandaríkjaforseti, hefur tilkynnt að hershöfðinginn David Petraeus verði eftirmaður Stanley McChrystal sem yfirmaður fjölþjóðahersins í Afganistan. Obama rak McChrystal í dag vegna gagnrýni hans á framgöngu ríkisstjórnar Obama í Afganistan. Í viðtali við Rolling Stone gagnrýndi hann Obama og ýmsa áhrifamenn.

Petraeus gegndi áður sambærilegri stöðu í Írak fram í september 2008 og þótti hann standa sig vel þar. Áður hefur komið fram að Obama er mikll aðdáandi hans.

Petraeus hefur verið orðaður við forsetaframboð fyrir Repúblíkanaflokkinn eftir tvö ár.