Flóttamenn leita á náðir mæðrastyrksnefndar

Flóttamenn frá Kólumbíu og Palestínu sem komu hingað til lands á vegum íslenska ríkisins fyrir fáum árum hafa þurft að leita á náðir Mæðrastyrksnefndar og fjárhagslegar aðstæður þeirra eru bágar eftir hrunið. Formaður Flóttamannanefndar segir það slæm tíðindi en engu að síður sé það mannúðarverk að taka á móti fólki frá Haítí.

Tveir tæplega þrjátíumanna flóttamannahópar frá Kólumbíu og Palestínu komu til landsins 2007 og 2008 á vegum íslenska ríkisins sem skuldbatt sig til að taka á móti þeim. Reykjavíkurborg, Akraneskaupstað og Rauða krossinum var falið að taka við þeim og aðstoða þá við aðlögun.

En efnahagsástandið hefur bitnað á þeim líka, húsaleigan hækkað, atvinnuleysið í hámarki er töluvert lág. Flóttamennirnir sem allt eru konur og börn hafa lítið á milli handanna og því hafa sumar fjölskyldur neyðst til að leita til Mæðrastyrksnefndar og Rauða krossins. Samkvæmt heimildum fréttastofu telst þetta mikið áhyggjuefni innan Rauða krossins.

Flóttamennirnir eigi jafnan rétt á því eins og aðrir ríkisborgarar. Aðstæður þeirra séu þó betri hér en í stríðshrjáðum heimalöndum þeirra. Mörður segir íslenska ríkið hafa beðist undan því að taka á móti flóttamannahópi í fyrra vegna efnahagsástandsins. Nú hafi íslenska ríkið hins vegar ákveðið að taka á móti 10-20 manns frá Haítí vegna jarðskjálftanna þar í landi.