Á sterum með haglabyssuna á lofti

Birkir Arnar Jónsson sem dæmdur var í sex ára fangelsi í dag ætlaði að hræða mann sem kærasta hans hafði kært fyrir kynferðisbrot. Birkir var á sterum og undir áhrifum áfengis þegar hann skaut sex haglabyssuskotum í átt að fyrrum vinnuveitanda kærustunnar.

Það var um klukkan 4 að nóttu til þann 15.nóvember síðastliðinn að pilturinn mætti grímuklæddur að íbúðarhúsi í Þverárseli í Reykjavík vopnaður haglabyssu. Á sófa innandyra lá eigandi bakarís sem kærasta Birkis hafði starfað í.

Fyrir dómi sagðist eigandinn hafa farið til dyra eftir að bankað hafði verið uppá. Á sekúndubroti hefði hann verið sleginn í höfuðið með haglabyssuhlaupi. Hann hafi skellt aftur hurðinn og þá hefði hafist skothríð og anddyrið fyllst af ryki og glerbrotum.

Birkir hleypti af fimm skotum, tvo fóru í hurðina en þrjú þeirra í gegnum rúðu og inn í íbúðina. Hann var síðan handtekinn kvöldið eftir á heimili sínu, eftir að nafnlaus ábending um að hann hefði verið að verki barst lögreglu. Í búð hans fundust meðal annars þrjár haglabyssur.

Ástæður árásarinnar má rekja til þess að kærasta Birkis hafði skömmu áður kært bakara í bakarínu fyrir kynferðisbrot en það mál hafi verið látið niður falla. Annar starfsmaður í bakarínu hafði einnig kvöld eitt sent kærustunni eftirfarandi skilaboð:

„Dömpaðu kærastanum og komdu og vertu hjá mér í nótt"

Birkir sá umrædd skilaboð og reiddist mjög. Birkir úrtskýrði að tilgangurinn með för sinni í Þverárselið umrædda nótt hefði verið að mæta þessum mönnum "face to face" eins og hann orðaði það og hræða þá.

Birkir hafði neytt áfengis umrædda nótt en auk þess hafði hann neytt 100 millilítra af lyfinu testosteron tvisvar sinnum í viku og hefði gert um þriggja mánað skeið fyrir árásina.

Í niðurstöðu geðlæknis fyrir dómi segir að Birkir sé sakhæfur en verkið hafi verið unnið af hvatvísi þar sem hann hafi tekið mjög inn á sig lýsingar kærustu sinna á kynferðibrotunum. Erfitt væri að segja til um áhrif steraneyslu í þessu sambandi. Þó væri þekkt að steranotkun geti valdið því að menn verði hvatvísari og reiðari.

Birkir játaði aldrei að hafa bankað upp á í Þverárselinu og lamið eigandann í ennið með byssuhlaupinu. Að mati dómsins eru lysignar hans á atvikum afar ótrúverðugar. Þar segir ennfremur að telja verið að það hefði ekki aftarð honum að skjóta þótt honum hefði verið ljóst að skotárásin kynni að leiða til líftjóns.

Auk þess að vera dæmdur í sex ára fangelsi þarf Birkir að greiða fórnarlambinu 900.000 krónur í skaðabætur.