„Snautleg byrjun á þinghaldinu"

Þingmenn stjórnarandstöðu lýstu yfir óánægju með störf þingsins við upphaf Alþingis í dag. Þingmennirnir sögðust undrast mjög að ástandið í þjóðfélaginu skyldi ekki rætt við upphaf fundar og farið væri yfir stöðu mála og framtíðarhorfur.

Sérstaklega fór í taugarnar á þingmönnunum að fjórða mál á dagskrá í dag skuli vera breytingar lögum um sölu áfengis og tóbaks, sem heimila myndi sölu áfengis í matvöruverslunum. „Hverju sætir að brennivín í búðum sé á dagskrá?" spurði Steingrímur J. Sigfússon og sagði það snautlega byrjun á þinghaldinu.