Alþingi kemur saman á eftir

Alþingi kemur saman í dag eftir jólaleyfi og hefst þingfundur klukkan 13:30 á óundirbúnum fyrirspurnartíma. Fimm ráðherrar verða viðstaddir óundirbúinn fyrirspurnartíma.

Raddir fólksins hafa boðað til mótmælastöðu við þinghúsið klukkan 13. Hörður Torfason, einn forsvarsmanna samtakanna, sagði í samtali við fréttastofu í gær að fundurinn sé haldinn að kröfu fólksins. Hann hvatti fólk til að mæta með söngbækur, potta, sleifar, flautur og hrossabresti.

Samkvæmt dagskrá á vef Alþingis á meðal annars að ræða frumvarp Björgvin G. Sigurðssonar, viðskiptaráðherra, um vátryggingastarfsemi, lagafrumvarp Jóhönnu Sigurðardóttur, félagsmálaráðherra, um greiðslur til líffæragjafa, frumvarp Sigurður Kára Kristjánssonar og fleiri um sölu á léttvíni og bjór, þingsályktunartillögu Steingríms J. Sigfússónar um andstöðu við eldflaugavarnakerfi í Austur-Evrópu og frumvarp Steinunnar Valdísar Óskarsdóttur og fleiri um að í stjórnum fyrirtæki skuli sitja jafnmargar konur og karlar.