Oprah lýkur göngu sinni

Spjallþáttur Opruh Winfrey lýkur göngu sinni árið 2011 eftir rúma tvo áratugi í loftinu. Ástæðan er sögð stofnun nýrrar sjónvarpsstöðvar Opruh, OWN, sem verður sett á laggirnar sama ár. Oprah, sem er orðin ein áhrifamesta kona Bandaríkjanna, hefur stjórnað þættinum frá árinu 1986. Þrátt fyrir að áhorfið á þátt hennar hafi dregist saman um helming á einum áratug er hún ennþá vinsælasti spjallþáttastjórandi Bandaríkjanna. Auk þess að stjórna spjallþætti sínum hefur Oprah gefið út tímarit og stjórnað útvarpsþætti.