Rekinn fyrir að leka Wolverine á netið

Roger Friedman, starfsmanni Fox News, hefur verið vikið úr starfi fyrir að hafa lekið á netið á ókláruðu eintaki hasarmyndarinnar X-Men Origins: Wolverine. Myndin verður frumsýnd í Bandaríkjunum 29. apríl.

Friedman sagði á vefsíðu þar sem netverjar nálgast myndir eins Wolverine ólöglega að það væri mun þægilegra að hala myndinni niður heldur enn að fara út í rigninguna. Hann gaf myndinni fína einkunn. „Hún stóð undir öllum mínum væntingum."

Í eintakið sem birtist á netinu vantaði tæknibrellur, tónlist og nokkur atriði.

„Sá sem setti myndina inn á netið og allir sem munu gera það í framtíðinni verða sóttir til saka," sagði í yfirlýsingu frá 20th Century Fox þegar upp komst um málið. Bandaríska alríkislögreglan kom rannsókn málsins.

Hugh Jackman fer með aðalhlutverkið í Wolverine, sem er byggð á einni af þekktustu persónunum í X-Men-myndunum.