Catalina aftur í gæsluvarðhald vegna vændismáls

Catalina Ncogo er önnur þeirra kvenna sem úrskurðuð var í vikulangt gæsluvarðhald í dag.

Eins og fram kom á Vísi fyrr í dag samþykkti Héraðsdómur gæsluvarðhald yfir konunum tveimur sem grunaðar eru um mansal og að hafa haft milligöngu um vændi.

Í tilkynningu sem lögreglan sendi frá sér fyrr í dag kemur fram að rannsókn málsins hafi staðið yfir undanfarnar vikur og í tengslum við hana hafi lögreglan lokað fyrir vændisstarfsemi í húsi í miðborginni.

Catalina var fyrr í þessari viku dæmd fyrir hórmang en sýknuð af mansalsákæru.