Franklin Steiner ákærður fyrir fíkniefnabrot

Hafnfirðingurinn Franklin Stiner hefur verið ákærður fyrir vörslu fíkniefna. Samkvæmt ákæru hafði Franklin rúm 150 grömm af amfetamíni, 33 grömm af kókaini, 23 alsælutöflur og 1 grömm af hassi á sér þegar lögregla gerði leit þann 23. október í fyrra.

Einnig fann lögreglan tæp 23 grömm af amfetamíni, 0,34 grömm af kannabisefni og 2 alsælutölfur við leit hjá Franklin Steiner þann 6. apríl síðastliðinn.

Til stóð að málið gegn Franklin, sem er þekktastur undir eftirnafninu Steiner, yrði þingfest í Héraðsdómi Reykjaness í morgun en þingfestingu var frestað.