Þingmenn framlengdu launalækkun sína

Þingmenn samþykktu fyrir stundu að framlengja launalækkun sína sem ákveðin hafði verið til loka ársins 2010.

Ríkisstjórn Sjálfstæðisflokks og Samfylkingarinnar samþykkti lög eftir bankahrunið á síðasta ári sem kvað á um 10% launalækkanir alþingismanna, ráðherra og annarra sem heyra undir kjararáð.

Alþingi samþykkti svo lög í dag til að framlengja þessa lækkun. Í greinagerð með lögunum segir að ráðstöfunin sé tímabundin og að því búnu geti kjararáð fellt úrskurð um þá sem heyra undir úrskurðarvald þess að teknu tilliti til kjara hjá viðmiðunarhópum.