Innlent

Flokksráð VG samþykkti sáttmálann

Frá flokksráðsfundi VG í morgun.
Frá flokksráðsfundi VG í morgun. Mynd/Sigurjón
Flokksráðsfundi Vinstrihreyfingarinnar græns framboðs er nýlokið. Fundurinn samþykkti stjórnarsáttmála VG og Samfylkingarinnar með þorra atkvæða. Þeim tilmælum var jafnframt beint til Steingríms J. Sigfússonar, formanns flokksins, að tryggja jöfn kynjahlutföll í nýrri ríkisstjórn.

Flokksstjórn Samfylkingarinnar kom saman klukkan 13. Á fundinum verður borin upp tillaga um stjórnarsáttmála milli flokkanna og skipan ráðherra Samfylkingarinnar.

Forystumenn vinstriflokkanna kynna sáttmálann og ráðherralista nýrrar ríkisstjórnar á blaðamannafundi í Norræna húsinu sem ráðgert er að hefjist klukkan 16. Stöð 2, Bylgjan og Vísir munu senda beint út frá fundinum.




Tengdar fréttir

Stefnt að því að hefja aðildarviðræður í júlí

Ríkisstjórn Samfylkingar og Vinstri grænna mun óska eftir að hefja aðildarviðræður við Evrópusambandið í júlí nái þingsályktunartillaga flokkanna fram að ganga. Þetta kom fram á flokksstjórnarfundi Samfylkingarinnar á Hótel Sögu í dag, samkvæmt heimildum fréttastofu.

Fyrsta meirihlutastjórn vinstriflokka hér á landi

Ný ríkisstjórn Samfylkingarinnar og Vinstri grænna verður mynduð í dag og verður þetta í fyrsta meirihlutastjórn tveggja vinstri flokka á Íslandi. Ríkisráðsfundir hafa verið boðaðir á Bessastöðum síðdegis þar sem stjórnarskiptin fara fram. Síðasti fundur fráfarandi ríkisstjórnar hefst klukkan 17 og fyrsti fundur nýrrar stjórnar hefst klukkan 18:15.

Stjórnarsáttmálinn borinn undir Samfylkingarfólk

Flokksstjórn Samfylkingar kom saman á Hótel sögu klukkan 13 dag. Þar mun Jóhanna Sigurðardóttir, forsætisráðherra og formaður flokksins, kynna stjórnarsáttmála nýrrar ríkisstjórnar Samfylkingar og Vinstri grænna. Á fundinum verður borin upp tillaga um stjórnarsáttmála milli flokkanna og skipan ráðherra Samfylkingarinnar.

Mest lesið


Fleiri fréttir

Sjá meira


×

Mest lesið