Innlent

Bjarni tjáir sig ekki um mál Gunnars Birgissonar

Lóa Pind Aldísardóttir skrifar
Bjarni Benediktsson, formaður Sjálfstæðisflokksins, ætlar ekki að tjá sig um umfangsmikla verkefnavinnu dóttur Gunnars I. Birgissonar, bæjarstjóra í Kópavogi, fyrr en endurskoðun bæjarins hefur skilað skýrslu um málið.

Útgáfufélagið Frjáls miðlun í eigu Brynhildar Gunnarsdóttur hefur á síðustu níu árum fengið rúma 51 milljón króna frá Kópavogsbæ fyrir ýmis konar verkefnavinnu fyrir bæjarfélagið, meðal annars fyrir ársskýrslur, kynningarefni, bæklinga og önnur verkefni. Þegar upphæðinni er jafnað niður á mánuði hefur dóttir bæjarstjórans þegið rúmlega 450 þúsund krónur í laun með virðisaukaskatti á mánuði í níu ár.

Fréttastofa náði tali af Bjarna Benediktssyni, formanni Sjálfstæðisflokksins, nú fyrir hádegi og innti hann eftir skoðun hans á málinu. Hann kvaðst ekki hafa forsendur til að meta þessa verkefnavinnu né heldur til að setja umfang verkefnanna í samhengi við tölurnar. Hann myndi því ekki tjá sig um þetta mál fyrr en niðurstöður koma frá endurskoðun Kópavogsbæjar.




Tengdar fréttir

Dótturfélagið græðir milljónir úr stofunni

Útgáfufélagið Frjáls miðlun, sem er í eigu dóttur Gunnars Birgissonar, bæjarstjóra Kópavogs og eiginmanns hennar, er með lögheimili á heimili þeirra hjóna. Gunnar hefur verið gagnrýndur harkalega fyrir að gera samninga við Frjálsa miðlun. Dóttir hans, Brynhildur Gunnarsdóttir og eiginmaður hennar, Guðjón Gísli Guðmundsson, eiga og reka félagið.

Segir málatilbúnaðinn „árás“

„Þetta er náttúrlega eins og flest sem þaðan kemur; uppdikterað og margfaldað með pí,“ segir Gunnar I. Birgisson, bæjarstjóri í Kópavogi, um frétt Ríkisútvarpsins í gær um að hann hygðist á fundi Sjálfstæðisfélags Kópavogs á morgun ræða greiðslur bæjarins til fyrirtækis dóttur hans.

Mest lesið


Fleiri fréttir

Sjá meira


×

Mest lesið