Konur næst á eftir Bjarna Harðarsyni

L-listinn vinnur nú hörðum höndum að mótun framboðslista í öllum kjördæmum landsins. Bjarni Harðarson, fyrrverandi þingmaður Framsóknarflokksins er einn af talsmönnum framboðsins og mun hann skipa fyrsta sætið í Suðurkjördæmi. Á vefnum Sunnlendingur.is er greint frá því að næstu tvö sæti listans verði skipuð konum, þeim Kristbjörgu Steinunni Gísladóttur, frá Selfossi og Önnu Jónu Einarsdóttur, frá Höfn í Hornafirði.

,,Kristbjörg Steinunn Gísladóttir staðfesti í samtali við Sunnlending að allar líkur væru á að hún myndi skipa þriðja sæti L-listans í Suðurkjördæmi en hún vildi ekki staðfesta hverjir myndu skipa önnur sæti," segir í frétt Sunnlendings.

MYND/Sunnlendingur.is. Kristbjörg Steinunn Gísladóttir, Bjarni Harðarson og Anna Jóna Einarsdóttir.