Auðunn datt út í Tallinn

Líkt og Vísir sagði frá í morgun hóf sjónvarpsmaðurinn Auðunn Blöndal leik á Pokerstarsmóti í Tallinn í Lettlandi í dag. Auðunn samdi á dögunum við Pokerstars.com um að taka þátt í völdum mótum á þeirra vegum og var þetta það fyrsta í röðinni. Mikið af stjörnum eru á mótinu en af Audda er það að frétta að hann er dottinn út.

Fyrir þá sem þekkja til pókersins er stutt á milli þess að græða helling og detta skyndilega út. Auðunn var kaldur á mótinu og lagði allt undir, fyrir flopp eins og það er kallað. Hann var með tvo gosa á hendi.

Upphafsveðmálið var 100 en Auðunn hækkaði upp í 500. Hinn svokallaði Litli blindur gerði gott betur og endurhækkaði upp í 1500, hann var með Ás og kóng á hendi.

Auðunn ákvað þá að setja allt undir með 5900 spilapeninga en Litli blindur sá veðmálið, þ.e.a.s hann jafnaði það sem Auðunn lagði undir. Heppnin var ekki með Audda í liði því í borðið kom Ás, og tveir Ásar vinna tvo gosa.

Það var því ljóst að Auðunn er úr leik þrátt fyrir mjög góða frammistöðu.