Ráðgjafi í ástamálum

Leikkonan Jennifer Aniston hefur mjög gaman af því að gefa vinum sínum ráð varðandi ástarsambönd. Sjálf hefur hún lent í alls kyns vandræðum þegar ástin er annars vegar en það stöðvar hana ekki í ráðgjafahlutverkinu.

„Ég er manneskjan sem vinir mínir leita til og ég hef mjög gaman af því að hjálpa til. Ég hef gefið mörgum góð ráð en þegar þörfin fyrir aðstoð er mest er best að mæta á staðinn hvort sem ætlunin er að fagna með vini sínum eða hugga hann. Þetta snýst um að vera trúr vinum sínum og heiðarlegur," sagði Aniston.