Síðasti Gyðingurinn í Afganistan

Þar sem talibanar og al-Kaida hata Gyðinga öðru fólki framar gæti maður ímyndað sér að það sé dálítið einmanalegt að vera síðasti Gyðingurinn í Afganistan.

Það er hlutskipti Zebulons Simentovs sem býr í Kabúl. Hann er umsjónarmaður síðasta bænahúss Gyðinga í borginni og jafnframt eina sóknarbarnið.

Sem betur fer fyrir Simentov eru ekki allir múslimar hallir undir al-Kaida og hann á marga góða vini sem jafnvel aðstoða hann við bænahald.

Á föstudögum halda Gyðingar Shabbat sem kalla má hvíldardag. Hann einkennist ekki aðeins af bænahaldi heldur er einnig borðuð hátíðarmáltíð sem er talin mjög mikilvæg.

Þar sem Simentov getur ekki boðið neinum Gyðingum í Shabbat máltíðir sínar hlaupa múslimarnir vinir hans í skarðið.

Eins og Shirgul Amiri sem er með honum á meðfylgjandi mynd. Amiri ber fram matinn meðal Simentov flytur bænir sínar.