Fyrrverandi varaforsetaframbjóðandi ritar endurminningar sínar

Sarah Palin, ríkisstjóri í Alaska og fyrrverandi varaforsetaframbjóðandi, hyggst gefa út endurminningar sínar í bók. Samkvæmt upplýsingum frá kosningastjórn hennar valdi hún Lynn Vincent, rithöfund úr röðum íhaldsmanna til að skrifa bókina.

Ekki er komið nafn á bókina en gert er ráð fyrir að bókaforlagið HarperCollins gefi hana út. Vincent hefur skrifað fjölmargar bækur en titillinn "Donkey Cons: Sex, Crime and Corruption in the Democratic Party" er ef til vill sá sem vekur mesta eftirtekt.