Fylkir staðfestir komu Baldurs

Baldur Bett skrifaði í gærkvöldi undir tveggja ára samning við Fylki en Vísir greindi frá því í gær að hann væri hættur hjá Val og á leið til Fylkis.

Fram kemur á heimasíðu Fylkis að það hafi verið markmið knattspyrnudeildar félagsins að fá til liðsins reynslumikinn miðvallarleikmann eftir að Ólafur Ingi Stígsson ákvað að leggja skóna á hilluna síðastliðið haust.

Fylkir hafði áður fengið Odd Inga Guðmundsson frá Þrótti en hann er uppalinn í Árbænum og var einnig á mála hjá danska liðinu Esbjerg.

Baldur á að baki 145 leiki í efstu deild með Val og FH. Hann hefur fjórum sinnum orðið Íslandsmeistari, þrívegis með FH og einu sinni með Val.