Starfsmönnum við gerð Héðinsfjarðaganga fækkað

Óvissa hefur ríkt um framvindu Héðinsfjarðarganga þar sem kostnaður við framkvæmdina hefur stóraukist. Tvö fyrirtæki vinna við gerð gangnanna Háfell og tékkneska verktakafyrirtækið Metrostav. Hið síðarnefnda hefur nú ákveðið að fækka starfsmönnum sínum tímabundið um allt að þriðjung. Þetta kom í ljós eftir fund fyrirtækjanna með fulltrúum Vegagerðarinnar í dag.

Upphaflegar voru áætluð verklok í lok þessa árs en nú er búist við að þeim seinki. Í upphafi var kostnaður ganganna metinn á 7 milljarða en ljóst er að sú fjárhæð hefur þegar hækkað töluvert vegna verðbólgu og vaxta.

Í byrjun vikunnar var búið að sprengja 9.832 metra eða 93% af heildarlengd, en 738 metrar voru eftir.