Fíkn gerir ekki mannamun

Styrktarsjóður Susie Rutar Einarsdóttur sem lést um miðjan júní árið 2007 frumsýnir á morgun forvarnarauglýsingu sem ætlað er að sína að fíkn gerir ekki mannamun. „Það skiptir ekki máli hvert þú ert eða hvaða þú kemur. Hver sem er getur orðið fíkn að bráð," segir í tilkynningu.

Styrktarsjóðurinn var stofnaður fáeinum dögum eftir andlát Susie að frumkvæði föður hennar og er skipaður vinum Susie úr öllum áttum. Sjóðnum er ætlað að styðja við verkefni sem stuðla að forvörnum gegn notkun fíkniefna meðal ungs fólks í áhættuhópum. Nú hefur styrktarsjóðurinn ráðast í stærsta verkefni sitt til þessa það er gerð forvarnarauglýsinga í samstarfi við Filmus.

Í tilkynningu segir að fjölskyldur fólks sem látist hafa af völdum fíknar lögðu sjóðnum lið við gerð auglýsingarinnar og leyfðu áhorfendum að kynnast látnum ástvinum sínum.

Að mati sjóðsins er viðhorf til fíkniefna alltof léttvægt meðal ungs fólks, mikið af ungu fólki sem noti fíkniefni telji það vera skaðlausa skemmtun og að það sé sérstakt og ónæmt fyrir því að verða fíklar. „Við vonumst til að þess að hreyfa við fólki með þessum auglýsingum og sýna fram á að fíkniefnaneytendur eru ósköp venjulegar manneskjur," segir í tilkynningu.

Þá segir að styrktarsjóðurinn vilji afmá ákveðna staðalmynd af fíkniefnaneytendum en sú hugmynd sé algeng í samfélaginu að ákveðnar týpur verði fíklar. Að fíklar komi úr slæmum fjölskyldum, hafi vegnað illa í lífinu áður en það fór að neyta efna og að fíkn stafi af almennri vanlíðan.

„Fólk notar oft ekki fíkniefni af vanlíðan einni saman, margir byrjuðu bara í ‚góðu' partýi sem svo hættir að vera gott og tekur engan enda. Hugsunin þetta kemur ekki fyrir mig, ég verð ekki fíkill, er skaðleg og hefur oft áhrif á það að fólk ákveður að prófa að nota fíkniefni. Með auglýsingunum vill sjóðurinn koma því á framfæri að enginn velur að vera fíkill og enginn á að hugsa ‚ég verð ekki fíkill'," segir í tilkynningunni.

Fjölmargir aðilar komu að þessu verkefni. Felix Bergson tók viðtölin við aðstandendur, Benni Hemm Hemm gaf tónlistina og Filmus vann þær mikið til í sjálfboðavinu. Auglýsingin verður frumsýnd í Hinu Húsinu á morgun klukkan fjögur.