Þýskir ferðamenn í vandræðum í Tjarnarkvísl

Björgunarsveitir Slysavarnafélagsins Landsbjargar á Norðvesturlandi eru nú á leið til aðstoðar þýsku ferðafólki sem lenti í vandræðum norðan Hofsjökuls fyrir skammri stundu. Að sögn upplýsingafulltrúa Landsbjargar var ferðafólkið að þvera Tjarnarkvísl þegar áin tók bílinn.

Tjarnarkvísl er staðsett suðvestur af Sátujökli sem er skriðjökull norðanmegin í Hofsjökli. „Fólkið, karl og kona, komst út úr bílnum, að bakka árinnar og gat hringt í Neyðarlínu eftir aðstoð. Það bíður nú á árbakkanum eftir hjálp björgunarsveita," að sögn.