Sofnaði í miðju innbroti

Brotist var inn íbúð í Austurborginni seint í gærkvöldi. Að sögn lögreglunnar höfðu húsráðendur brugðið sér af bæ en þegar að þau komu til baka sáu þau að ljós loguðu í íbúðinni. Þegar inn var komið tóku þau eftir því að ókunnugur maður lá sofandi á stofugólfunni. Lögreglan var kvödd á staðinn og fékk maðurinn að klára svefninn í fangageymslum. Ekki er vitað hvernig maðurinn komst inn í íbúðina.

Þá var tilkynnt um innbrot í Norðlingaskóla rétt upp úr miðnætti. Þar hafði einhver brotist inn með því að brjóta niður hurð með exi eða öðru þungu áhaldi. Fimm appletölvur voru teknar ófrjálsri hendi, tvær svartar og þrjár hvítar. Tvær líkamsárásir voru tilkynntar sem tengdust ölvun og átta gistu fangageymslur.