Eignimaður Amy Winehouse barnaði aðra í meðferð

Atvinnulaus tveggja barna móðir í Bretlandi segist vera gengin sex vikur með barn Blake Fielder Civil sem er hvað þekktastur fyrir að hafa verið giftur söngdívunni og djammdrottningunni Amy Winehouse. Það er The Sun sem segir frá í dag.

Þetta er sagt geta komið í veg fyrir áform Blakes um að næla sér í helming eigna fyrrum eiginkonunnar sem metnar eru á 10 milljónir punda.

Gileen Morris sem er þrjátíu og eins árs gömul segir barnið hafa komið undir á meðferðarstofnun þar sem hún dvaldi ásamt Blake. „Hann nálgaðist mig og við sváfum saman. Þegar ég sagði honum að ég væri ólétt blótaði hann og neitaði að standa með mér og ala upp barnið."

Gilleen viðurkenni að viðbrögð Blakes hafi slegið hana eftir að hún áttaði sig á því að hún gengi með barn þeirra eftir leyni ástafundinn. Hún hafi aldrei ætlað að eignast fleiri börn og því sé þetta mikið áfall.