Þórður dæmdur í árs keppnisbann

Þórður Þorgeirsson, sem rekinn var úr íslenska landsliðinu í hestaíþróttum í ágúst síðastliðinn hefur verið dæmdur í eins árs bann af aganefnd Landssambands hestamannafélaga. Bannið telur frá 3. ágúst 2009. Þetta kemur fram á vefnum hestafréttir.is en úrskurður LH féll 29. september síðastliðinn.

Í rökstuðningi dómsins segir að með hliðsjón af alvarleika agabrota Þórðar, sem hann framdi á heimsmeistaramóti hestamanna í Sviss í sumar telji aganefndin að hæfileg refsins sé 24 mánaða bann. Þórður sendi hins vegar frá sér afsökunarbeiðni vegna málsins og með vísan til þess var ákveðiið að dæma Þórð í árslangt bann.

Lögmaður Þórðar segir í samtali við Hestafréttir að sjálgert sé að vísa málinu til úrskurunardómstóls ÍSÍ og segir hann að öll meðferð og úrvinnsla málsins hafi verið á þann veg að ástæða sé til þess að efast um að dómurinn verði staðfestur hjá ÍSÍ.