Endurlífgaður í bakaríinu

Viðskiptavinur Reynis bakara á Dalvegi í Kópavogi fékk krampa, hneig niður og missti meðvitund í bakaríinu laust fyrir klukkan tíu í gærmorgun. Tveir lögreglumenn voru staddir fyrir tilviljun í bakaríinu á sama tíma og hófu umsvifalaust endurlífgunartilraunir. Samkvæmt upplýsingum frá lögreglu báru þær tilraunir árangur. Maðurinn komst aftur til meðvitundar og gat setið uppréttur þegar sjúkrabíl bar að og flutti hann á slysadeild.

Starfsmaður bakarísins, sem ekki vill láta nafns síns getið, segir manninn hafa orðið bláan í framan áður enn hann hné niður. Mikið fát hafi komið á starfsfólk og aðra viðskiptavini. Ekki er vitað um líðan mannsins.- kg