Vill að forseti Alþingis taki landráðabrigsl til skoðunar

Jóhanna Sigurðardóttir forsætisráðherra vill að forsætisnefnd Alþingis taki það til sérstakrar umræðu hversu oft ráðherrar í ríkisstjórninni hefur verið brigslað um landráð og að hafa ekki gætt hagsmuna Íslendinga í Icesave deilunni. Þetta sagði Jóhanna í fyrirspurnatíma á Alþingi í morgun.

Ragnheiður Elín Árnadóttir, þingmaður Sjálfstæðisflokksins, var að spyrja Jóhönnu út í samskipti hennar við ráðherra annarra ríkja vegna Icesave deilunnar. Jóhanna sagði að samskiptin hafi verið töluvert mikil, bæði með bréfaskiptum og samtölum.