Græðir tuttugu milljarða á málverki

Kanadiskur maður sem árið 2007 keypti málverk á Uppboði hjá Christies virðist hafa gert góð kaup.

Hann borgaði tólfþúsund sterlingspund fyrir verkið sem hét Ung stúlka í prófíl. Verkið var talið málað í Þýskalandi snemma á tuttugustu öld.

Peter Silverman hafði á tilfinningunni að það væri ekki rétt. Hann sendi því verkið á rannsóknarstofu í París. Þar fundu menn fingrafar Leonardos da Vinci.

Örvhentur málari

Fingrafar hans hafði áður fundist á málverkinu Heilagur Jeremías. Það var málað snemma á ferli hans, áður en hann fékk sér aðstoðarmenn.

Infrarauð rannsókn leiddi í ljós umtalsvert lík vinnubrögð við málverkið Portrett af konu í prófíl, sem hangir í Windsor Kastala.

Vinnubrögðin sýna einnig að málarinn var örvhentur, sem da Vinci var. Aldursgreining sýnir að verkið var málað að dögum da Vincis.

Ef Silverman fær staðfest að da Vinci hafi málað myndina gætu tólf þúsund pundin hans orðið að eitthundrað milljónum sterlingspunda.

Það eru um tuttugu milljarðar króna.