Ofbeldismenn verða dregnir til ábyrgðar

Árás mótmælenda á lögreglumenn í nótt er litin gríðarlega alvarlegum augum og verða ofbeldismenn dregnir til ábyrgðar. Lögreglan hefur fengið ýmsar hótanir og eru hún við öllu búin.

Lögreglumennirnir slösuðust mismikið, en nokkrir hlutu slæma áverka. Góður búnaður: þykkur fatnaður, hjálmar og skildir komu í veg fyrir að ekki fór verr. Litlu mátti þó muna.

Geir Jón Þórisson yfirlögregluþjónn segir málin verða hvert fyrir sig rannsökuð og verða menn dregnir til ábyrgðar, ef unnt er að sanna brot á hegningarlögum. Einungis lítill hópur mótmælenda er sagður hafa staðið fyrir ofbeldisverkum og segir Geir Jón að almennt hafi lögreglumenn fengið góðar viðtökur. Þó hafa þeir fengið hótanir, sem þykja fráleitt léttvægar.