Madonna styrkir fórnarlömbin á Ítalíu

Söngdívan Madonna hefur ákveðið að gefa í söfnun fyrir fórnarlömb jarðskjálftanna á Ítalíu í fyrradag. Ákvörðunina tók söngkonan eftir að bæjarstjóri Pacentro óskaði eftir hjálp, en þar bjuggu afi og amma Madonnu eitt sinn.

Alls hafa 26 fundist látnir eftir skjálftanna. Ekki fæst upp gefið hversu hátt framlag Madonnu er en það er sagt rausnarlegt.

Söngkonan er nýkomin frá Malaví þar sem hún ætlaði að ættleiða unga stúlku. Undanfarna daga hefur sést til hennar í London með vinkonu sinni Stellu McCartney. Stella starfar sem fatahönnuður en hún er jafnframt dóttir bítilsins Pauls McCartney.