Innlent

Mældist á 160 kílómetra hraða

Tvítugur ökumaður var stöðvaður eftir að hafa mælst á of miklum hraða í grennd við Þorlákshöfn í gær. Hann sagðist ekki hafa tekið eftir stöðvunarmerkjum lögreglu og hélt áfram norður Þrengslaveginn og nam ekki staðar fyrr en skammt var ófarið að Suðurlandsvegi. Þá hafði hann skömmmu áður mælst á 160 kílómetra hraða. Lögreglan á Selfossi stöðvaði líka 17 ára ökumann eftir að hann mældist á rösklega 80 kílómetra hraða innanbæjar, þar sem hámarkshraði er 30 kílómetrar. Hann var sviptur ökuréttindum á staðnum.



Mest lesið


Fleiri fréttir

Sjá meira


×

Mest lesið