Léttgeggjuð Léttsveit Reykjavíkur - myndir

Kvennakórinn Léttsveit Reykjavíkur flutti óskalög sjómanna fyrir troðfullu Háskólabíói á sunnudaginn.

Gestasöngvarar voru Helena Eyjólfsdóttir og Gylfi Ægisson sem fluttu vel valin lög með kórnum sem var skreyttur með bláum slæðum á fjölbreyttan máta.

„Það var alveg rosalega gaman," svarar Gylfi Ægisson aðspurður hvernig honum leið í kringum allar konurnar.

„Ég vildi nú samt ekki eiga svona stórt kvennabúr. Þegar þær stöppuðu niður fótunum í einu laginu hefði ég ekki viljað að þær skömmuðu mig allar í einu," segir hann á léttu nótunum ánægður með tónleikana.

Eins og myndirnar sýna var glatt á hjalla á meðal Léttsveitarinnar þegar Vísir myndaði frábæra stemningu á meðal kvennanna baksviðs í lok tónleikanna sem voru undir stjórn Jóhönnu V. Þórhallsdóttur.

Heimasíða Léttsveitar Reykjavíkur.