Myndband um meðhöndlun flugelda

Slysavarnafélagið Landsbjörg hefur gefið út myndband um rétta meðhöndlun flugelda. Félagið hvetur almenning til að skoða myndbandið með það að markmiði að koma í veg fyrir flugeldaslys en þau verða flest vegna rangrar meðhöndlunar og fikts. Mjög mikilvægt er að almenningur kynni sér allar leiðbeiningar sem fylgja flugeldavörum og noti hanska og flugeldagleraugu þegar skotið er upp, að fram kemur í tilkynningu frá Slysavarnafélaginu Landsbjörgu.

Jafnframt hefur félagið gefið út leiðbeiningarbæklinginn, sem meðal annars fylgir öllum fjölskyldupökkum félagsins, á ensku og pólsku og eru þeir jafnframt aðgengilegir á heimasíðu félagsins og á flugeldasölustöðum.

Myndbandið er hægt að sjá hér og bæklingana er hægt að nálgast hér.