Innlent

Hnífstunga: Maður og kona handtekin

Valur Grettisson skrifar
óhugnalegar aðstæður. Maðurinn kom blóðugur út á stétt þar sem vegfarendur hringdu á lögregluna. Mynd/akureyri.net.
óhugnalegar aðstæður. Maðurinn kom blóðugur út á stétt þar sem vegfarendur hringdu á lögregluna. Mynd/akureyri.net.

Einn karlmaður á fimmtugsaldri og kona á sextugsaldri hafa verið handtekin vegna hnífstungumáls á Hafnarstræti á Akureyri. Samkvæmt Gunnari Jóhannesi Jóhannssyni, yfirmanni rannsóknardeildar lögreglunar á Akureyri, þá er karlmaðurinn grunaður um að hafa stungið mann á sextugsaldri í íbúðinni á Hafnarstræti.

Maðurinn sem var stunginn komst út þar sem vegfarendur hringdu á lögreglunnar um sex leytið. Lögreglan kom á vettvang í kjölfarið og meðal þeirra var sérsveitarmaður sem var á vakt.

Málsatvik eru óljós. Þau voru þrjú í íbúðinni. Öll voru þau mjög drukkinn.

Maðurinn sem var stunginn var færður á spítala til aðhlynningar. Í ljós kom að stungusárið var ekki lífshættulegt. Svo virðist sem hann hafi verið stungin ofarlega í búk, nærri öxl.

Parið, maðurinn og konan, eru í haldi lögreglunnar eins og fyrr var greint frá, ekki reyndist unnt að yfirheyra þau sökum ölvunar.

Lögreglan er enn á vettvangi að skoða vegsummerki. Íbúum hefur verið skipað að halda sig innandyra á meðan.

Samkvæm Gunnari þá er málið á frumstigum.




Tengdar fréttir

Maður stungin á Akureyri

Maður var stunginn í húsi við Hafnarstræti á Akureyri nú á sjötta tímanum. Sjónarvottur sá mannin koma kjagandi út og var hann blóðugur en með meðvitund. Sjónarvotturinn hringdi í neyðarlínuna og komu þrír lögreglubílar og sjúkrabíll á vettvang. Frá þessu er greint á vefnum akureyri.net.

Alvarleg líkamsárás á Akureyri

Alvarleg líkamsárás átti sér stað á Akureyri en allur mannskapur lögreglunnar hefur verið kallaður að Hótel Hörpu. Þar er búið að griða svæði af. Fréttamaður Vísis náði ekki tali af lögreglu en allir eru þeir á vettvangi í augnablikinu.

Mest lesið


Fleiri fréttir

Sjá meira


×

Mest lesið