Stefnt að undirskrift á miðvikudaginn

Enn hefur ekki verið gengið frá samningum Gunnars Heiðars Þorvaldssonar við enska B-deildarliðið Reading en stefnt er að því að gera það á miðvikudaginn.

Ólafur Garðarsson, umboðsmaður Gunnars Heiðars, sagði í samtali við Vísi í dag að Gunnar Heiðar væri aftur farinn til Englands og engin hætta væri á því að lánssamningur hans væri í hættu.

Gunnar Heiðar er á mála hjá Esbjerg í Danmörku sem hefur samþykkt að lána hann til Reading til lok núverandi leiktíðar.

Fyrir hjá Reading eru þeir Ívar Ingimarsson, Brynjar Björn Gunnarsson og Gylfi Þór Sigurðsson.