Bótasvikahnappur gegn svikurum

Tryggingastsofnun leitar nú til almennings eftir uplýsingum um bótasvik einstaklinga, sem fólk kann að verða áskynja um, og heitir því að fara með allar ábendingar sem trúnaðarmál.

Á vefsíðu Tryggingastofnunar tr.is er hnappur, sem leiðir til ábendingaforms, sem einfalt er að fylla út.

Fólk þarf ekki að gefa upp nafn sitt, netfang eða síma nema það kjósi svo. Í tilkynningu frá stofnuninni segir að það séu hagsmunir allra að koma í veg fyrir að fjármunir séu sviknir úr sameiginlegum sjóði landsmanna, sem ætlaður er til aðstoðar þeim sem standa höllum fæti.

Bótasvikum hefur orið vart í vaxandi mæli hér á landi eftir bankahrun og miklu atvinnuleysi.