Gríðarlegur fjöldi á framhaldsnámskynningu í HÍ

Gríðarlegt fjölmenni var á námskynningu í Háskóla Íslands í dag þegar kennarar, nemendur og starfsmenn Háskóla Íslands kynntu framhaldsnám næsta skólaárs. Gríðarleg fjölbreytni er í námsleiðum á næsta skólaár en nemendur hafa val um hartnær 200 ólíkar námsleiðir. Vegna atvinnuástandsins í landinu má ætla að gríðarlegur fjöldi hyggi á framhaldsnám á næsta skólaári. Mikil uppbygging hefur átt sér stað á framhaldsnáminu hjá Háskóla Íslands undanfarin ár og bara nú í janúar hófu hartnær 800 nemendur framhaldsnám við skólann.

Undir framhaldsnám flokkast bæði meistara- og doktorsnám. Meistaranám er önnur háskólagráða og lýkur henni með MA, MS eða M.Ed. gráðu en slíkt nám tekur að jafnaði tvö ár. Doktorsnám tekur hins vegar að jafnaði 3-6 ár og lýkur með Ph.d. gráðu. Einnig kynnti Háskólinn í dag ýmsar styttri námsleiðir á framhaldsstigi, t.d. diplómanám, hagnýtt nám og nám til starfsréttinda.

Háskóli Íslands er rannsóknaháskóli og allt doktorsnám og mikill hluti meistaranáms byggist á rannsóknum. Nemendur njóta handleiðslu öflugra vísindamanna í rannsóknum sínum og skapa í samstarfi við þá nýja þekkingu sem oft verður afvaki nýsköpunar sem er gjarnan kveikjan að sprotafyrirtækjum.