Bændasamtökin: Landbúnaðarskýrsla ekki fullnægjandi

Bændasamtökin fagna birtingu skýrslu Hagfræðistofnunnar um hugsanleg áhrif á íslenskan landbúnað gangi Ísland í Evrópubandalagið samkvæmt tilkynningu.

Þeir árétta þó að skýrslan sé ekki fullnægjandi í ljósi þess að hún kannar ekki heildstæði áhrif á aðildar að ESB á byggð, búsetu og atvinnulíf í landinu.

Í tilkynningunni segir: Um 10.000 manns á vinnumarkaði starfa við íslenskan landbúnað og úrvinnslu og þjónustu honum tengdum. Í skýrslu Hagfræðistofnunar er ekki gerð tilraun til þess að meta áhrif á þessa þætti en slíka úttekt hlýtur að þurfa að gera áður en ákvörðun er tekin.

Þá fagna Bændasamtökin að skýrslan hafi verið birt og hægt sé að ræða málið á upplýstum grundvelli.

Tilkynninguna má lesa í heild sinni hér fyrir neðan:

Bændasamtökin fagna að fengist hefur að birta skýrslu sem er tilraun til úttektar á áhrifum ESB-aðildar á íslenskan landbúnað. Skýrslan staðfestir í meginatriðum málflutning og rök samtakanna sem haldið hefur verið fram í ESB-umræðunni síðustu misseri.

Bændasamtökin hafa bent á að skoða þurfi með heildstæðum hætti áhrif aðildar að ESB á byggð, búsetu og atvinnulíf í landinu. Um 10.000 manns á vinnumarkaði starfa við íslenskan landbúnað og úrvinnslu og þjónustu honum tengdum. Í skýrslu Hagfræðistofnunar er ekki gerð tilraun til þess að meta áhrif á þessa þætti en slíka úttekt hlýtur að þurfa að gera áður en ákvörðun er tekin.

Bændasamtökin fagna opinni og upplýstri umræðu og að upplýsingum sé ekki haldið leyndum sem gætu veikt málflutning þeirra sem vilja skilyrðislaust gerast aðilar að ESB. Upphlaup það sem varð í dag á Alþingi vegna málsins sýnir vel að aðildarumsókn að ESB þarf meiri og yfirvegaðri umræðu. Bændasamtökin minna á að þau hafa áður lagt til að báðum fyrirliggjandi þingsályktunartillögum verði hafnað.

Haraldur Benediktsson,

formaður Bændasamtaka Íslands