25 vilja stýra þjónustumiðstöð fyrir blinda

Tuttugu og fimm umsóknir bárust um starf forstjóra nýrrar Þjónustu- og þekkingarmiðstöðvar fyrir blinda, sjónskerta og daufblinda einstaklinga. Lög um stofnunina voru samþykkt á Alþingi 18. desember síðastliðinn.

Nýja stofnunin tók til starfa samkvæmt lögunum 1. janúar og leysti meðal annars af hólmi Sjónstöð Íslands sem nú hefur verið lögð niður. Við breytinguna færðist ábyrgð á málefnum blindra, sjónskertra og daufblindra frá heilbrigðisráðuneytinu til félags- og tryggingamálaráðuneytisins.

Félags- og tryggingamálaráðherra skipar stofnuninni forstjóra til fimm ára í senn samkvæmt lögum. Auglýst var eftir forstjóra nýrrar stofnunar 4. janúar og rann umsóknarfresturinn út 19. janúar.

Markmið þjónstumiðstöðvarinnar er að auka möguleika þeirra sem eru blindir, sjónskertir eða daufblindir til virkni og þátttöku á öllum sviðum samfélagsins til jafns við aðra. Lögð verður auka virkni þeirra með áherslu á stuðning til náms, sjálfstæðs heimilishalds, virkra tómstunda og atvinnuþátttöku.

Eftirtaldir sóttu um starf forstjóra stofnunarinnar:

* Arnar Pálsson

* Arnþór Helgason

* Atli Steinn Guðmundsson

* Bergur Þ. Steingrímsson

* Björn Vernharðsson

* Erna Guðmundsdóttir

* Gunnar Karl Nielsson

* Gylfi Skarphéðinsson

* Haukur Arnþórsson

* Hrefna K. Óskarsdóttir

* Hrönn Pétursdóttir

* Huld Magnúsdóttir

* Játvarður Jökull Ingvarsson

* Jenný Þ. Magnúsdóttir

* Jóhannes Guðni Jónsson

* Jón Sævar Jónsson

* Júlíana H. Aspelund

* Olga Möller

* Ómar Þór Eyjólfsson

* Ronald Guðnason

* Sara Magnúsdóttir

* Sólrún Halldórsdóttir

* Sólrún Hjaltested

* Svavar Guðmundsson

* Tamara Lísa Roesel