Forseti Íslands íhugar málsókn gegn Bretum

Ólafur Ragnar Grímsson forseti Íslands segir í samtali við BBC að hann sé enn að íhuga málsókn gegn Bretum vegna setningar hryðjuverkalaga þeirra gegn íslensku bönkunum.

Ólafur Ragnar segir að Bretar hafi hagað sér eins og bullur gegn smáþjóð í aðgerðum sínum. Hann sendir Skotum síðan tóninn fyrir að hafa notað bankahrunið á Íslandi sem rök fyrir því að Skotland ætti ekki að sækjast eftir sjálfstæði.

Samkvæmt fréttinni segir Ólafur Ragnar að Skotar eigi ekki að dæma Ísland úr leik strax. Hann telur að Ísland muni ná sér á strik á ný mun hraðar en stærri þjóðir.

Þá bendir Ólafur Ragnar á að þeir Skotar sem vilja nota erfiðleika Íslands og Írlands sem vopn í baráttu sinni um framtíð Skotlands ættu fyrst að skoða erfiðleika þá sem bresk stjórnvöld glíma við í dag.