Innlent

Rannsaka ógn í tengslum við embættistöku Obama

Barack Obama og George Bush á leið á embættistökuna fyrir stundu.
Barack Obama og George Bush á leið á embættistökuna fyrir stundu. MYND/AP

Alríkislögreglan og bandaríska heimavarnaráðuneytið rannsaka nú hugsanlega ógn í tengslum við embættistöku Baracks Obama sem sver embættiseið sem næsti forseti Bandaríkjanna innan skamms. Gríðarleg öryggisgæsla er í borginni fyrir embættistökuna.

Russ Knocke talsmaður ráðuneytisins segir að ekki sé hægt að fullyrða hvort hótunin eigi við einhver rök að styðjast en verið sé að greina ýmis gögn.

Talið er að um fjórar milljónir manna hafi lagt leið sína til Washington vegna atburaðarins og að tvær milljónir manna verði við tröppur þinghússins, Capitol Hill, þar sem athöfnin fer fram.

Knocke segir líklegt að innsetning Obama í embætti laði að sér einstaklinga og jafnvel hópa sem hafi eitthvað illt í huga.




Tengdar fréttir

Þétt dagskrá hjá Obama í dag

Barack Obama sver í dag embættiseið sem fertugasti og fjórði forseti Bandaríkjanna. Hann verður fyrsti blökkumaðurinn til að gegna því embætti í rúmlega tvö hundruð ára sögu Bandaríkjanna. Dagskrá Obama hjónanna í dag er þéttskipuð. Gríðarleg öryggisgæsla er í borginni fyrir embættistökuna sem verður sýnd í beinni útsendingu hér á Vísi og hefst útsendingin klukkan fjögur.

Embættistaka Obama í beinni á Vísi

Barack Obama sver á eftir embættiseið sem fertugasti og fjórði forseti Bandaríkjanna. Hann verður fyrsti blökkumaðurinn til að gegna því embætti í rúmlega tvö hundruð ára sögu Bandaríkjanna. Embættistakan verður í beinni útsendingu á Vísi og hefst hún klukkan 16.

Obama er liðtækur í körfubolta (myndband)

Barack Obama tekur í dag við embætti forseta Bandaríkjanna og hefur NBA deildin boðist til að innrétta körfuboltavöll í fullri stærð inni í Hvíta húsinu af því tilefni.

Mest lesið


Fleiri fréttir

Sjá meira


×

Mest lesið