Voru að útbúa heimatilbúna sprengju

Lögreglunni á Suðurnesjum barst klukkan rúmlega hálf sjö í kvöld að sprenging hefði orðið í heimahúsi í Grindavík og að tveir drengir 10 og 17 ára væru slasaðir. Greint var frá spreningunni á Vísi fyrr í kvöld.

,,Þarna höfðu tveir bræður verið að útbúa heimatilbúna sprengju úr víti inni í herbergi eldri drengsins," segir í tilkynningu frá lögreglu. Rúða í herberginu brotnaði við sprenginguna.

Bræðurnir voru í kjölfarið fluttir með sjúkrabifreiðum á slysadeild Landspítalans í Fossvogi. Eldri drengurinn var með áverka á upphandlegg og með sjóntruflanir en sá yngri kvartaði undan brjóstverk.