Áfram viðbúnaður vegna Vítisengla

Töluverður viðbúnaður verður áfram á Leifsstöð í dag en búist er við að einhverjir meðlimir Vítisengla eða Hells Angels samtakana freysti þess að komst inn í landið þrátt fyrir strangt landamæraeftirlit. 12 meðlimir samtakanna voru stöðvaðir við komuna til landsins í gær og snúið við en þeir ætluðu allir í veislu sem mótorhjólaklúbburinn Fáfnir heldur í nýju klúbbhúsi sínu í Hafnarfirði í kvöld.

Dómsmálaráðherra telur veisluna og væntanlega gesti hennar vera ógn við allsherjarreglu og þjóðaröryggi Íslands. Engar nánari skýringar hafa fengist á því frá yfirvöldum. Fáfnismenn hafa ekki tjáð sig um málið en alþjóðasamtök Vítisengla setti þá í fjölmiðlabann.

Lögreglan á höfuðborgarsvæðinu ætlar að fylgjast með veislu Fáfnismanna í kvöld en þar verður boðið upp á íslenska kjötsúpu auk þess sem þungarokkssveitin Dark Harvest mun leika fyrir viðstadda.