Nýtur aðstoðar lögfræðings Paul McCartney

Fyrirsætan Jordan eyddi afmælisdegi sínum í að ræða við skilnaðarlögfræðing Paul McCartney en hún varð 31 árs gömul í gær. Einnig kom í ljós að hún er með húðflúrað nafn eiginmannsins á handleggnum.

Fyrirsætan sem heitir réttu nafni Katie Price, fékk sér húflúrið aðeins örfáum vikum áður en þau Peter Andre ákváðu að slíta hjónabandi sínu.

Jordan hefur ráðið, Fionu Shackleton, betur þekkt sem Steel Magnolia, til þess að gæta hagsmuna sinna við skilnaðinn. Fiona er best þekkt fyrir að sjá um mál Paul McCartney þegar hann skildi við Heather Mills á sínum tíma.