Scarlett með bestu brjóstin

Menn finna sér ýmislegt til dundurs á tímum svína-flensu og efnahagshruns. Sjónvarpsþátturinn Access Hollywood efndi nýlega til könnunar um hvaða Hollywood-stjarna skartaði myndarlegasta barminum.

Ekki var að sökum að spyrja því þúsundir karla og kvenna gáfu álit sitt á vef Access Hollywood og niðurstaðan var einróma: Scarlett Johansson þykir hafa myndarlegustu brjóstin að mati lesenda Access Hollywood. Barmur Scarlett þykir hafa mikið aðdráttarafl og nýverið sagði mótleikkona hennar, Natalie Portman, að hana langaði ákaflega mikið til að koma við þau. „Þau eru gríðarlega falleg," lét Portman hafa eftir sér.

Mexíkóska stjarnan Salma Hayek hefur lengi þótt vera brjóstmyndarlegust allra en varð að horfa á eftir titlinum í hendurnar á Scarlett. Hún varð að gera sér annað sætið að góðu. Í þriðja sætinu var síðan Halle Berry, sem hefur vísað því á bug að hún hafi þegið 150 þúsund dali fyrir að leyfa tökuliði að mynda sig á nærfötunum einum saman í Swordfish. Berry hefur reyndar áður komið fáklædd fram því hún var í fremur efnislitlum sundfötum í Bond-myndinni Die Another Day, sem þótti nú ekki merkilegur pappír á sínum tíma. Söngfuglinn Jessica Simpson hafnaði síðan í fjórða sætinu og Jennifer Love Hewitt var að mati lesenda Access Hollywood með fimmtu fallegustu brjóstin.