Dylan varar við nútímatækni

Hinn margrómaði söngvari Bob Dylan ráðleggur ungu fólki að nota sem minnst nútímatækni eins og iPod, tölvuleiki eða farsíma.

Í samtali við Rolling Stone tímaritið segir Dylan að slíkar græjur leiði til þess að fólk missi öll tengsl við raunveruleikann. „Það er stórskrýtið að sjá svo margt ung fólk á ferli með farsíma og iPod spilara í eyrunum, úr öllum tengslum við veruleikann," segir Dylan í samtali við tímaritið.

Dylan hvetur ungt fólk til að leggja slík tæki á hilluna og verja meiri tíma utandyra í frísku lofti.