Norðmönnum slétt sama um mengunarkvóta

Norðmönnum virðist standa nokkuð á sama um loftslagskvóta í einkalífi sínu. Í Noregi geta einstaklingar keypt sér kvóta ef þeir ferðast flugleiðis milli landa.

Notast er við reiknistaðla og samkvæmt þeim bætir flugfarþegi við 300 kílóum af CO2 útblæstri með því að fljúga Osló-París-Osló.

Til þess að vega upp á móti þessu þyrfti farþeginn að borga 30 norskar krónur í kvótasjóð. Það gerir um 668 íslenskar krónur.

Í könnun sem gerð var á því hvernig þetta gegur kom í ljós að um níu prósent norskra flugfarþega kaupa sér mengunarkvóta.

Sextíu og þrjú prósent sleppa því og rúm tuttugu og sjö prósent höfðu ekki hugmynd um það.