Innlent

Viðbúnaður í Bústaðahverfi: Húsleit framkvæmd

MYND/Anton

Húsleit stendur nú yfir hjá manninum sem handtekinn var fyrr í dag, grunaður um að hafa verið vopnaður. Maðurinn og sambýliskona hans voru handtekinn og hefur hún verið flutt á brott en maðurinn, áður hefur komið við sögu lögreglu, er enn í húsinu á meðan húsleitin er framkvæmd.

Enn er óljóst hvort maðurinn hafi raunverulega verið vopnaður en að sögn nágranna var meindýraeyðir á ferli í garðinum um svipað leyti og var hann vopnaður vasaljósi. Hann mun hafa verið að leita að rottum.

Nágranninn sagði við fréttastofu að misskilningur gæti hafa orsakast af þeim sökum. Lögregla leitar þó enn af sér allan grun í húsinu eins og áður sagði.






Tengdar fréttir

Viðbúnaður á Bústaðavegi: Par handtekið

Lögreglan hefur handtekið tvo einstaklinga í heimahúsi við Byggðarenda í Bústaðahverfi. Tilkynnt var um vopnaðan mann og fór sérsveit lögreglunnar á staðinn. Samkvæmt upplýsingum frá lögreglu liggur ekki fyrir hvort fólkið, sem er par hafi í raun verið vopnað. Maðurinn veitti nokkra mótspyrnu við handtökuna að sögn lögreglu. Parið, sem býr í húsinu hefur komið við sögu lögreglu áður. Í tilkynningu frá lögreglu segir að lögreglumenn sem voru að vakta húsið eftir að tilkynningin um vopnaðan mann barst hafi talið sig heyra skothvell og því hafi verið ákveðið að handtaka manninn.

Mest lesið


Fleiri fréttir

Sjá meira


×

Mest lesið